نصائح طلبة اعدادى هندسة
كالعادة كل سنة اول ما نتيجة الثانوية العامة بتظهر و تلاقى مجموعك جايب كلية الهندسة فى الوقت اللى انت قعدت طول عمرك بتحلم انك تكون مهندس
علطول مش بتضيع وقت و مش بتستنى التنسيق حتى و تبدأ تدور على جوجل و الفيسبوك و تعرف اكتر من الكلية
بتبدأ تدور على صفحات الهندسة الكبرى زى صفحة اساحبى يا مهندس جالنا عليها مئات الرسايل بمجرد ظهور النتيجة
محتوى الرسايل كلها تقريبا واحد و منحصر فى كم سؤال
1- ادخل جامعة ايه ؟
2- ازاى استعد ل اعدادى هندسة ؟؟
3- ايه الكورسات اللى اقدر اخدها علشان استعد لهندسة ؟؟ (تخيلوا ناس بتسأل عن الكورسات دلوقتى)
4- ايه احسن المعاهد الخاصة ؟؟
5- هل المعاهد الخاصة دى ليها شغل زى الحكومى ولا لا ؟
6- هل مجموعى هيجيب هندسة ولا لا ؟
نجاول على كم سؤال منهم دلوقتى و نكمل الباقى فى المواضيع الجاية ان شاء الله
1- كليات الهندسة فى الجامعات المصرية كتير منها الحمد لله اخد الجودة دلوقتى و كل كلية بتبقى مميزة فى اقسام عن التانية مش بتلاقى حاجة ثابتة .. حاجة كمان ان التوزيع الجغرافى بتاعك هيجبرك على جامعة معينة و مجموعك كمان فمش بيبقى الاختيار مفتوح اوى كدة زى منت فاكر
2- لا انت متستعدش خالص حاول تتمتع باخر ايام الراحة فى حياتك .. اطلع مصيف اليومين دول و خد راحتك عالاخر و تعالى الكلية ع اول يوم ان شاء الله هتنبسط اوى .. الدكاترة هتبدأ تتكلم معاكم و تعقدكم سيبكم من الكلام اللى هتسمعوه اوعوا بردو تسمعوا كلام المدبلرين لانه دايما بيودى فى ستين داهية .. ادوات الرسم ثم ادوات الرسم ثم ادوات الرسم دى هنخصصلها موضوع مخصوص لان الناس معظمها بيلبسوا و بيشتروا ادوات ملهاش اى لازمة و ممكن يقعدوا بعد كدة الخمس سنين ميستخدموهاش
3- كورسات ايه مفيس الكلام ده دلوقتى بس لو مصمم اهتم باللغة جدا و خد كورس لغة قوى حتى لو اونلاين مع نفسك
يا رب يكون الموضوع مفيد و نكمل ان شاء الله فى مواضيع جاية
بالتوفيق للكل
ليست هناك تعليقات