كلية الهندسة و ال 5 خوازيق
كلية الهندسه
هيا حلم كل طالب مصري فاهم ان هندسه دي هيا اخر الدنيا و انه لما يدخل هتبقى طاقة القدر كدة اتفتحتله و خلاص مش عايز اى
حاجة تانى من الدنيا
.. بس ما علينا دلوقتي خلينا نديكم نبذة سريعة عن الكلية و هنتكلم فى الموضوع ده بعدين 
ايه هي هندسه ؟!
هندسه هيا كليه عبارة عن 5 خوازيق
اول خازوق اسمه " إعدادي " وده بتدرس فيه كل الخوزايق اللي هتتخصص فيها بعد كده بحيث تختار تربتك بنفسك ... ايوة محدش
هيختار تربتك غيرك يعنى تطلع من اعدادى دى مقرر انهى خازوق اللى هتلبسه الاربع سنين الجايين
بعد كده تخش ع تاني خازوق " التخصص " وده علي حسب تقديرك ف " إعدادي " او لو انت مجتهد فوقتها هتبقى جايب تقدير حلو
يسمحلك تختار بين الاقسام القسم اللى انت حبيته من خلال دراستك للمواد فى اعدادى هندسة
هووب دبل كيك تلاقي نفسك بقيت ف 5 جامعة سواء بقى بعد 4 سنين فعلا او قعدت 5 ولا 8 سنين انت و رزقك يا رجل
وانتا لسه بتحاول تستوعب كمية الخوازيق اللي خدتها ف الكم سنة الاولى
م الاخر كده انتا مش هتسلك ف الكليه دي الا بإجتهادك وعبادتك ل ربنا ورضا الوالدين ثم رضا الدكاترة
.. لو اجتهدتوحضرت كل المحاضرت والدكاترة حبتك اضمن الامتياز يا معلم
اما لو غير كده والله لو انتا زويل ، اخرك جيد جدا ده لو جبتها 
ربنا معاكو يا باشمهندسين
الموضوع المرادى كوميدى لكن فيه حبة نصايح فى النص تخلى بالك منهم ... استنونا الفترة الجاية هنكلمكم بالتفصيل عن حاجات كتير جدا جوة الكلية العظيمة و اسرارها اللى مش بتخلص ابدا
ليست هناك تعليقات