طريقة كتابة CV محترف و قوى
ازاى تكتب C.V باحتراف..
...
- اكتب السى فى باللغه الانجليزيه لانها لغة البيزنس للاسف مالم يطلب منك الكتابه باللغه العربيه..
'
- استخدم لون واحد فقط فى الكتابه ( اسود او ازرق فقط)..بلاش الوان الطيف اللى بنلاقيها دى...الخط من فونت 11 الى 13
'
- قسم السى فى الى الاتى :
objective : وده هتكتب فيه ايه هدفك ..عاوز وظيفه فين وليه وكده
'
academic qualifications : اكتب المؤهلات الأكاديمية اللى حضرتك حصلت عليها.
'
professional qualifications : اكتب الكورسات اللى انت حصلت عليها
'
Achievements : اكتب ايه الانجازات اللى عملتها فى حياتك
- مثلا لو انت شغال فى الانتاج..انت بتحقق الخطه الانتاجيه بنسبة 100 % .
لو شغال جوده..قللت المنتج المعيب بنسبة 10 % .
لو شغال فى البحث العلمى..نشرت كام بحث فى كام سنه ..فين
لو شغال مبيعات..حققت 120% من الخطه البيعيه خلال فتره كذا..
الخ.
- ركز قوى انك تكتب كل انجازاتك..
- طب لو خريج جديد .. اكتب ايه انجازاتك فى الانشطه اللى كنت بتعملها اثناء المدرسه او الكليه..شاركت فى اسر ..مسابقات..انشطه خيريه...الخ..اكيد هتلاقى انجازات
'
-professional age : ده تكتب فيه الاماكن اللى اشتغلت فيها قبل كده.. وظيفتك فيها ايه بالتفصيل ..المده اللى قضيتها قد ايه..
'
-professional skills : اتكلم عن مهاراتك بشكل عام
مهاراتك اللغويه..مهارات الكمبيوتر..اى مهارات خاصه عندك..
'
- personal data : هتكتب بيناتك الشخصيه ووسائل الاتصال الخاصه بك..
'
- ماتكتبش اى حاجه غير حقيقيه...لازم تكون صادق جداا..لان لو كتبت حاجه مش حقيقية وظهر عكسها ..دى ممكن تخسرك وظيفه لو اكتشفت..
'
- دايما السى فى بتاعك يكون pdf مش ورد ..الا اذا اتطلب ورد..
'
- دايما اكتب دباجة فى الايميل اللى بتبعت فيه السى فى ..تخص الوظيفه اللى انت مقدم ليها...ماتجبش حاجه كوبى وبست من النت ..بتبقى مكشوفه اوى..
'
- السى فى مايكنش حجمه كبير وفى نفس الوقت مش مختصر..خليه يعرف عنك بشكل غير مخل او مسهب..
'
- ماتحطش صورتك فى السى فى الا اذا طلب منك ذلك...لان ده ممكن يدى انطباعات مسبقه غير صحيحه..
'
- خللى بالك من الأخطاء اللغويه فى السى فى..بتدى انطباع سلبى جداا..
'
- خللى ليك ايميل مخصوص بارسال واستقبال الوظائف. .بعيد عن ايميل مواقع التواصل..علشان مايبقاش فيه زحمه ..وتبقى مركز.. الايميل ده خليه يمثل اسمك زى Ahmed Mohmed ..بلاش الايميلات اللى من عينات القلب الشجاع والنسر الجريح وسوسو وفوفو والكلام ده.. ده ايميل شغل مش بندلع عيل صغير
.
بالتوفيق لنا جميعا ان شاء الله
ليست هناك تعليقات