الهند تطلق اكبر منصة للتعليم المفتوح SWAYAN

تحت شعار ‏هو_انت_شايفنى_هندى‬

الهند اول حكومه هتطلق اكبر منصه تعليم اونلاين بتشمل اكتر من 250000 ساعه فى كل المجالات

فى شهر اغسطس 2014 قال "ناريندرا مودى" رئيس وزراء الهند ان من ضمن خطته للنهوض بالمستوى التعليمى فى الهند انه هيعمل على تأسيس موقع تعليم اونلاين يسمح لأى حد على مستوى الهند سواء قادر او غير قادر على المشاركه و التعليم المجانى .. من غير ما يتعرض لإختبارات القبول فى الجامعات دى فى الهند .. بحيث انه يقدر يذاكر نفس الماتريال بتاعت الجامعات و من نفس الدكاتره كمان و هو قاعد فى بيتهم او قريتهم المتطرفه .. و ببلاش

و كان من المتوقع إن الموقع هيتم إطلاقة فى شهر اكتوبر 2014 بـ 3 كورسات بس
بس طبعاً لم يتم الأطلاق و تقريباً الناس نسيت الموقع ..

SWAYAN: Study Webs of Active Learning for Young Aspiring Minds

الموقع من تأسيس شركه مايكروسوفت و طبعاً هى داخله معاهم كـ شريك تقنى Technical Support وواخده حوالى 6 مليون دولار بس

فى الأنطلاقة اللى هى المفروض تتم قريب جدأً .. و لحد دلوقتى محدش عارف SWAYAN هتختار Domain ايه للموقع بتاعها .. متوقع يكون فيه عدد ..

2000 كورس فى مختلف المجالات، 250000 ساعه فيديو، بتكلفه وصلت لـ30 مليون دولار للدكاتره اللى بيشرحوا خلال الموقع ده من مختلف الجامعات على مستوى الهند.

UGC ده المكان المسؤل فى الهند عن وضع و تنظيم الشروط و القواعد بتاعت التعليم الجامعى فى الهند .. نشرت فى خلال الأيام اللى فاتت ملف بيتضمن شرح الموقع كامل و كمان ايه الكورسات اللى هتكون متوافره علي الموقع و مده كل كورس ..
تقدر تطلع على الملف من هنا :http://goo.gl/oczVxZ

كما إن الهند قررت تفتح الموقع ده لأى حد على مستوى العالم حابب يتعلم ..
بس الأساس بتاعها هيكون الشباب الهندى فى سن التعليم الجامعى و ما بعد الجامعى و هيبدأوا يعملوا تخفيضات و كروت للكورسات المدفوعه .. و هيفعلوا نظام الـ Credit Mobility
للطلبة الغير قادره على دفع ثمن الكورس .. و الكوبونات دى هتكون موجوده فى الجامعات و كمان فى مراكز التدريب .. لتشجيع الطلبة فى الهند على التعليم الذاتى .. و طبعا الهند اصلا مش محتاجه

لما اتكلمنا عن ترتيب دول العالم فى استخدام الـ MOOCs كانت الهند رقم 2 على مستوى العالم طبقاً لبحث جامعة ستانفورد ..

بالحركه و الأنطلاقة دى معناها انك بتسهل جدأً على الهنود الغير قادرين على النطق باللغه الأنجليزيه التعليم باللغه الأصليه بتاعتهم .. و طبعا من المتوقع فى ظرف 3 سنين بس ان يكون الهند من اكبر الدول الحاصله على الشهادات فى التعليم الذاتى لأنهم بيحبوا يطوروا نفسهم بسأستمرار ..

اتمنى الدول العربيه تدرك قيمه التعليم و الوعى و التنميه الفكريه .. و إن اممنا عمرها ما هتنهض الا بالعلم .. و انك انت الوحيد المسئول عن ثقافتك و عمر ما حد هيفكر فيك و يقولك تعالى أعلمك و انقلك خبرتى ..

الهند من اشطر البلاد فى البرمجه و التقنيات .. و دلوقتى بعد الموقع ده .. اعتقد إن العلم هيوصل لعدد ضعف العدد المتعلم فى الهند فى جامعاته الكبرى .. و الهند هتسيطر اكتر على مجالات مختلفه تانيه ..

تصدق .. ياريتنى هندى

دة لينك الجدول بالكورسات اللى هتكون موجوده على الموقع بمواعيد البدايه ..
http://goo.gl/ZHPs1A