العمر قصير - ما تضيعوش فى الوظيفة الغط
العمر قصير اوعى تضيعه فى الوظيفة الغلط !!
Life is to short to waste with the wrong career
.
العنوان ده كان فى حملة كبيرة جدا عملتها شركة توظيف المانية و كان هدف الحملة دى انه يخلى الناس تفوق قبل فوات الاوان لان العمر فعلا اقصر من انك تضيعه فى الوظيفة الغلط
.
دول كمان عملوا ابحاث اكتشفوا ان واحد من بين كل 4 فى المانيا غير سعيد فى شغله و انه شغال فى حاجة مش بيحبها
تخيلوا بقى الرقم ده فى بلد زى مصر هيبقى عامل ازاى يمكن 1 من بين كل 2 هتلاقيهم مش مبسوطين فى شغلهم او شغالين فى الوظيفة الغلط زى ما بيقولو
.
طيب ازاى تعرف اذا كنت انت فى الوظيفة الغلط دلوقتى ولا لا ؟؟
بص يا سيدى انك تكون فى الوظيفة الصح يبقى انت حابب اللى بتعمله
بتشتغل بشغف ... ما بتصحاش مالنوم ونت زهقان و قرفان و مش عارف اصلا هتصحى ليه
لا بالعكس بيكون عندك شغف انك تصحى لأنك لو كنت فى الوظيفة الصح وقتها بس هيبقى عندك شغف كبير جدا انك تروح شغلك لان بكل بساطة كل يوم جديد بيكون فى حاجة جديدة بتتعلمها و حاجة جديدة بتضيفها للمكان اللى موجود فيه.
.
طيب انا واحد دخلت وظيفة غلط اعمل ايه دلوقتى منا كدة كدة مجبر اكمل !!
لا يا سيدى الوقت معداش ابدا انت تقدر تعمل Career shift فى اى وقت فى عمرك المهم انك تعمل ده صح و تكون حاسب الخطوة كويس قبل ما تاخدها
.
هنتكلم عن تغيير الكارير فى مواضيع جاية كتير ان شاء الله .. و هنستنى اى استفسارات و ردود بخصوص الموضوع ده
ليست هناك تعليقات