بعيد عن زحمة المهندسين - Out of crowd
فى مشاكل كتير جدا بتقابلنا كلنا وحنا بندورعلى شغل .. بس اكبر المشاكل دى هى الزحمة !!
المهندسين بقوا كتير فعلا و بقى فى زحمة كتير فى السوق .. الفكرة هنا ازاى هتميز نفسك و ازاى تقف لوحدك بعيد خالص عن زحمة المهندسين الكتير دى
.
ال CV بتاعك غالبا مبيوصلش لصاحب القرار رغم انك بتبعته ل مئات الشركات لكن ال HR هناك مش بيشوفه
و ده طبيعى بسبب كمية الايميلات الرهيبة اللى بتجيله على الوظيفة الواحدة
.
فى واحد اسمه ادم .. جنسيته المانى الرجل ده بعت ال CV بتاعه لأكتر من 10,000 شركة توظيف تفتكروا كم حد رد عليه ؟؟
مفيش ولا شركة عبرته !
.
ادم بقى عمل طريقة مبتكرة جدا علشان يقف برا الزحمة اللى اتكلمنا عنها فوق و مش معنى كدة انى بقولك اعمل زيه لكن شوف الطريقة اللى ادم فكر بيها
.
ادم طبع يافطة اعلان كبيرة جدا و كتب عليها " صرفت اخر فلوس معايا مقابل الاعلان ده .. من فضلك شغلنى " و دفع فلوس لشركة عملتله الاعلان ده على كذا طريق
ده كمان كتب الويب سايت الخاص بيه على اليافطة و جوة الويب سايت حاطت ال CV بتاعته اللى فيه كل مؤهلاته و المهارات الىل عنده
.
كمان سجل فيديو لنفسه بيتكلم على مهاراته و مؤهلاته و ازاى هيقدر يضيف ل اى مكان يشتغل فيه
تخيلوا بقى ان بعد ما كان بيدور على شركات .. فى اكتر من 70 شركة كلموا ادم علشان يشتغل عندهم
.
بعد اسبوع كان ادم شغال فى شركة من اكبر شركات التسويق فى بلدهم
بعد شهر بالظبط ادم طبع اعلان تانى و كتب فيه " صرفت اول مرتب ليا عالاعلان ده .. شكرا لمساعدتكم"
.
الفكرة انى اوصلكم ازاى هو قدر يقف برا الزحمة بتاعة الناس اللى عايزة تشتغل و ازاى قدر يخلى الشركات هى اللى تدور عليه
يا رب تكونوا استفدتوا من الموضوع ده و نقدر نفيدكم اكتر فى المواضيع الجاية ان شاء الله
ليست هناك تعليقات