المهندس و الدكتورة - الحلقة الاولى

2:21:00 م , ,



المكان : مصر
الزمان : فى يوم مطلعتلوش شمس 
الكاتب : شخص غير معروف 
.
ok let`s goooooooo



- اشرق صباح يوم 1/8 وقام امجد من نومه بدرى و نشيط كعادته عالساعة 12 الضهر 
(صحى النوم يباشا م لسه بدرى) كان ذلك والد امجد الاستاذ محمود الوكيل
موظف فى بنك القاهرة 
.
- صباح الفل يا حاج ده يدوب الضهر لسه هيأذن 

= لا يا حبيبى الكلام ده بح خلاص تنساه تماما انت النهارده عليك اول دروس ف الثانوية العامة ... هااا يا بطل ... يعنى تركز كده وتصحصح لنفسك

- ..............................

= مش كفاية خليتك تدخل علمى رياضة زى م انت طلبت بدل علمى علوم وتطلعلنا دكتور قد الدنيا بس البعيد ايه غبى

- ربنا يسهل يا حاج -__-

**************

that`s my life

محمود الوكيل ابويا من ساعة ما وعيت ع الدنيا موظف ف بنك القاهرة وبيقبض بالدولار والعيشة مرتاحة معاه ع الاخر و مضيقها على ابنه ضناه اللى ملوش غيره . خريج كلية التجارة (  مع انه كان معروض عليه يدخل طب بس هو فضل تجارة علشان مبيبحش منظر الدم "ده ع حسب كلامه يعنى او كلام كل الابهات عموما"  )
.
بعد وفاة امى الله يرحمها عايشين انا وهو ف البيت لوحدنا ومتجوزش تانى خلاص واكتفى بنصيبه الحمد لله اللى هو انا اخرة صبره
.
اها نسيت اعرفكم امجد محمود الوكيل 17 سنة داخل ثانوية عامة علمى رياضة و اول يوم ف دروسى النهارده ومكتئب وحزين لانى بادئ بدرى وانا لسة ف الاجازة 

قولتلهم مستعجلين على ايه ....  بس اهو سلو بلدنا لازم نبدأ دروس فى شهر 8 قال يعنى لو بدأنا فى 9 هتفرق اوى

.
بس ميهمش كله يهون عشان خاطرك يا رحاب 

( يا رحاب انا طه اه يانا يا غلبييييييييييييييي)

رحاب دى تبقى البنت اللى بحبها من الاخر كده وابويا ميعرفش طبعا 
            لانه لو عرف هيعلقنى ولا هيبقى ف ثانوى ولا هندسة
.
رحاب كانت معايا من ابتدائى وطلعنا اعدادى سوا ودخلنا ثانوى برضه سوا هى ع العموم اشطر منى طبعا - كما تقول الاسطورة كل البنات دحيحة - وبتحبنى جدا وانا بحبها برضه ومتفقين ع الجواز وكل الكلام الممل الروتينى اللى انت تعرفه ده " او يمكن متعرفوش منا بكلم مهندسين " 

.
المهم يعنى نخش ف الموضوع ع طول 
انا وهى متشابهين ف كل حاجه تقريبا عشان كده حبينا بعض 
اختلافاتنا ف حاجات بسيطة زى انها بنت وانا ولد هى بتحب الرغى كتير اوى ونا خلقى ضيق الصراحة حاجات غريبه كده مختلفين فيها واكبر حاجه اختلفنا فيها انها 
هى بتحب علمى علوم ودخلت علوم وانا دخلت رياضه .... قال ايه نفسها تدخل صيدلة
.
*re h ab active now*

لسه بفتح الفيس بشوف في ايه لقيتها اونلاين لسه هدخل اكتبلها لقيت مسج منها وصلت 

( امجد الحقني بسرعة)

- ايه يا رحاب ف ايه 

= seen 12:35

- رحااااااااااب 12;40

= seen 12:41

- انتى نمتى ولا ايه  ؟

= seen 12:50

*هى رحاب ماتت ولا ايه ؟ ممكن يكون باباها قفشها مثلا ؟ ولا تكون اتلبست البت الفقرية دى وقاعده ف البيت وحدها من كتر افلام الرعب اللى بنحب نحضرها  " زى بعض " 

طيب وبعدين  
.
جاتلى بعد ده كله مسج منها يااااه اخيرا يخربيتك وقعتى قلبى بس سرعان ما فرحتى دى طارت 
= انا بمووووووووووووووت 
=======================================
لحد هنا الحلقة الاولى خلصت هنستنى تعليقاتكم و رأيكم فيها ايجابيات و سلبيات يشرفنا نعرف ارائكم جدا

.

ليست هناك تعليقات

الاشتراك في: تعليقات الرسالة ( Atom )