اجراءات الالتحاق بالكلية و الاوراق المطلوبة
جالنا استفسارات كتير عن خطوات التقديم للكلية و الاوراق المطلوبة و الكلام ده كله من بعد ظهور نتيجة التنسيق للثانوية العامة.
الكلام ده لكلية الهندسة او اى كلية تانية نفس الاجراءات ان شاء الله
يقوم الطالب بطباعة استمارة الترشيح للكلية المرشح اليها من موقع التنسيق الاليكترونى ثم التوجه الى الكلية مباشرة للتقديم بها مع اصطحاب الاوراق الاتية
1- استمارة النجاح البيضاء
2- عدد (6) صور شخصية للطالب
3- شهادة ميلاد الطالب اما النسخة الاصلية او مستخرج رسمى منها
4- بالنسبة للذكور فقط نموذج (2) جند من مكاتب البريد المختلفة
5- اذا كان الطالب حاصل على الثانوية من مدارس عسكرية او جوية يجب عليه احضار موافقة كتابية من مدير المدرسة
على الطالب ان لا يدفع اى رسوم اضافية غير التى اقرتها الكلية المتقدم عليها و ان الكلية توفر للطلاب المظاريف الخاصة بالتقديم مجانا (متخليش عامل يعمل منك مصلحة يعنى غير بمزاجك)
بصوا كدة كدة مكتب التنسيق هتلاقيه باعت للكلية اللى هتقدم فيها ورقة فيها كل الاسماء اللى جاتلها الكلية دى و الكلية هيراجعوا يتأكدوا من اسمك بعدها هيسجلوك ان شاء الله
بالنسبة لمواضيع التحويل و تقليل الاغتراب هنتكلم فيه فى وقته ان شاء الله بس حتى لو هتحول لازم تعمل الخطوات اللى فوق و تقدم ملفك الاول فى الكلية اللى جاتلك فى مكتب التنسيق
بالتوفيق للجميع
ليست هناك تعليقات